Д-р Марина Тунева е независна консултантка за стратешки комуникации и медиуми, како и вонредна професорка на Институтот за комуникациски студии во Северна Македонија. Марина е доктор на науки во областа на односите со јавноста и интеркултурализмот, магистер по ИТ и дипломатија, магистер по мир и развој и дипломиран новинар. Во 2021 година се стекнува со сертификат за успешно завршена „Distinguished Humphrey Fellowship Program” за медиуми и информации од Бирото за развојни и културни прашања на американскиот Стејт департмент.

Од 2015 до 2022 година ја извршуваше функцијата извршна директорка на Советот за етика во медиумите на Македонија. 

Како експерт на полето на односите со јавноста, стратешките комуникации, медиумскиот професонализам и интеркултурализмот, таа е активно вклучена во бројни консултантски и истражувачки проекти во овие области во државата и на меѓународно ниво. Авторка е на бројни научни и стручни трудови во овие области, меѓу кои „Водич за медиумски интегритет – меѓу предизвиците и решенијата“, „Од локални искуства до локални стандарди: етички предизвици и решенија во новинарството“, „Прирачник за родовосензитивно известување во медиумите“, „Меѓународните актери, конфликтот во Македонија во 2001 година и мировното новинарство“, „Односите со јавноста и интеркултурализмот: комуникација и информирање за Охридскиот рамковен договор“, „Насоки за инклузивно известување“, „Медиумите, граѓаните и интеркултурните комуникации“, „Прирачник за известување за различностите“, „Вовед во односите со јавноста“, итн.